كيف يمكنك تسجيل براءة الاختراع داخل مصر

[ندعوك للتسجيل في المنتدى أو التعريف بنفسك لمعاينة هذه الصورة]



كيف يمكنك تسجيل براءة الاختراع داخل مصر !!

الأخوة الزملاء الأعزاء أعضاء وأسرة منتدي إختراعات وإبداع العملاقة كثير من الأخوة المخترعين الجداد بسألونى كتير فينمكتب البراءات واعمل ايه وازاى اسجل وايه المطلوب منى علشان خاطر عيونكم جميعا كتبت هذا الموضوع لكل من يرغب معرفة طرق تسجيل براءات الإختراع فى مصر وجميع الأوراق المطلوبة للحفاظ على حقوق فكرتك او إبتكارك وتسجيلها


اولا اكاديمية البحث العلمى والتكنولوجيا عنوانها 101 ش القصر العينى – القاهرة – جمهورية مصر العربية ودى التليفونات : 7921323 - 7921324 - 7921291
وهى بتعتبر قريبة جدا من مبنى مجلس الشعب والوصول لها سهل جدا بواسطة متروا الأنفاق تنزل محطة سعد زغلول وهى المحطة التالية لمحطة انور السادات او ( ميدان التحرير) وذلك فى خط المترو المتجة لحلوان وبعد خروجك من محطة المترو تجد ضريح سعد زغلول تمشى فى هذا الشارع لأخرة سوف تجد مبنى اكاديمية البحث العلمى والتكنولوجيا على ناصية الشارع على شمالك وانت جاى من محطة المترو والناصية اليمين بنزينة بعد وصولك الاكاديمية اطلع الدور الاول مكتب براءات الاختراع استخدم السلم اسهل من زحمة الأسانسير وهذا رقم المكتب بتاع البراءات 27921274 لو حبيت تستفسر منهم على اى شيء

من موقع اكاديمية البحث العلمى التالى يمكنك تحميل ملفات تسجيل البرائة و الدليل لكتابتها

[ندعوك للتسجيل في المنتدى أو التعريف بنفسك لمعاينة هذا الرابط]

اويمكنك اخذ اسطوانة كمبيوتر فارغة معك ينزلولك عليها ملفات تسجيل البرائة و الدليل لكتابتها
وعلى كل حال يمكنك تنزيل اخر نسخة محدثة لملفات تسجيل البرائة و الدليل لكتابتها من الرابط التالى

[ندعوك للتسجيل في المنتدى أو التعريف بنفسك لمعاينة هذا الرابط]


أو يمكنك تنزيلها من الرابط التالى

[ندعوك للتسجيل في المنتدى أو التعريف بنفسك لمعاينة هذا الرابط]



لتجهيز النماذج وتقديمها للأكاديمية اتبع الخطوات التالية

1- املا نموزج المنفعة وفقا للتعليمات الواردة معه مع العلم ان كل حاجه تتكتب كمبيوتر
2- إملأ النماذج بالتفاصيل كما بالشرح وبعد الطباعة صور من كل ورق النماذج 4 نسخ
3- صور البطاقة الشخصية وكارنيه الكلية او الشغل صورتين
4- خد كل ده للمكتب بالاكاديمية وطبعا عرفت ازاى هتروح بدون ما تسأل حد
5- الحضور قبل الساعة 12 لان الخزنة بتقفل 12 الظهر
6- هيطلب منك تمضى على 3 نسخ وتسيب الرابعة فاضية
7- تسلم الاربع نسخ هيعملك محضر ايداع و يمضيلك على نسخة من الاريعة و يديهالك
8- تاخد محضر الايداع للخزينة عشان تدفع و يتختم ختم النسر
9- لو كنت طالب هتتعفى تماما من الرسوم لو موظف او عاطل حتى هتدفع 160 ج
10- هتاخد المحضر وترجع لموظف الشباك عشان مدير المكتب يمضى الطلب وهتمضى سعدتك على اقرار نشر المعلومات الببيوجرافية عشان ينزل اختراعك فى الجريدة الرسمية
11- مبروك انت دلوقت مخترع مصرى وكمان ممكن تسجل فى نظام pct الدولى وتبقى براة دولية نقابل 510 دولار وطبعا الموضوع الدولى مش لازم فى الأول
12- البراءة النهائية بعد 15 شهر لو مافيش اى عقبات ويمكنان يطول الوقت شوية لتصل الى ثلاث سنوات لكن انت دلوقت حقك محفوظ



مع تمنياتى لأمتنا العربية بالتقدم والنهوض على أيد أبناؤها النابهين
أخوكم فى الله والعروبة

المهندس المخترع العربــــى / شحات سعيد أبو ذكرى

[ندعوك للتسجيل في المنتدى أو التعريف بنفسك لمعاينة هذه الصورة]